中環九如坊宅麵專門店

黃色暴雨再加雷暴的早上。原定今日的活動取消！安坐家中趕稿吧！

好多謝各同事上星期陪筆者到此店午膳。特別係無飯不歡的飯桶皇后，真心說句感謝！

筆者其實之前經過九如坊幾次都未有機會一試，直至今天終於有機會了。一行人到達的時候正直午飯黃金時段，店外除了我們就只有兩個人在等。十分鐘後安排入座。若非我們想一起坐，應更快。

店子格局成長方形，入口左邊是煮麵區，當然有兩三個位，然後是廚房，右邊全是座位。

安頓後各自細閱餐牌。同一般拉麵店有些少不一樣，並不是只供應四五樣主打，相反，款式是比較多。最特別係有套餐供應。唉！香港現在生意真難做。筆者對那些仍然對飲食堅持那份執著的店鋪至敬！千萬不要為港人口味而西改東改，不倫不類！正所為有麝自然香！

小二哥過來推介一番。說也奇，佢由頭至尾都是推介午市套餐。什麼什麼、好抵好抵。今日星期五係安格斯肥牛麵！筆者遵重創意，但亦有違此番原意，心領啦！繼續在餐牌上遊走，想選的沾麵已賣晒。其後老闆說只是貨源供應出問題罷了。算老實！黑豚？經上次周月一役，此刻算吧！本場豚骨？好！就要這個吧。

同事們的套餐先來。日式餃子不錯、皮薄、煎煮時間好、底部夠脆口、餡料冇雪味、冇太多味精、滿意！

安格斯肥牛麵呢？賣相吸引的。豚骨湯底、有木耳絲、蔥花、肥牛、同一大塊紫菜立直在碗邊！值得讚好！味道呢？筆者冇吃所以未能分享。同事的食評見下文。

筆者的本場豚骨麵最遲來。賣相差不多。材料就多了粟米、兩片很大的豚肉、滷溏心蛋同白芝麻。味道呢？湯度是夠熱的、但色澤就另筆者有擔心同發愁。點解顏色咁深？加了醬油？一口湯後，暗叫不好，味精感覺多於一切。麵是幼身但不是筆者所喜愛的。溏心蛋蛋黃唔夠靚，味道偏鹹似過了火啦！要改善！豚肉反而有些少意外驚喜。看似麻麻地，但食落唔鞋口、幾軟滑、豚味不太差！

店鋪還有幾樣得意的。沾麵的食法。筆者建議大家跟著食法，可以一次過體驗到不同的味道同層次。

掛於店鋪入口的日曆是日文的，第一次見，得意！

店內有WIFI 服務，讚！

最後筆者同事的食評是：湯不似豚骨湯，感覺似雞溶湯味！麵是一般的，並不是自家制或特別好。真係要想想怎改善！

飯桶皇后的午餐賣相也不差！拉麵店有飯食？真係錯有錯著！

特別嗚謝各同事幫忙拍攝！

Lawrence