洪水橋德國餐廳

星期六，筆者一早到九龍探望完林醫生後 ， 駕車回家途中突然想吃好一點。還記得說過要試試德國餐廳的下午自助餐。就今天吧！德國餐廳暫時有四間，灣仔、赤柱、尖沙咀同最新的洪水橋。筆者家在屯門，當然去洪水橋啦！

餐廳座落於洪水橋輕鐵站傍，交通都算方便。餐廳前有一大片空地，把車交給代客泊車大哥就可以。HKD30.00任泊，結賬時交張泊車咭給服務員，費用就自動加到賬單上，非常方便。

自助餐約十二時開始一直至四時，足足四小時！三五知已談天說地最好！餐廳大至可分為幾個區域。餐湯餐飽、沙律冷盤、熱盤、燒烤、自助意大利粉、生果甜品、同班戟格仔餅。

對自助餐湯當然冇太大期望。今日有忌廉同洋蔥兩款。筆者覺得洋蔥較可取。色澤如果深多少少洋蔥味應更出更好！好難忘記上次在Michael San家煮洋蔥湯的經歷，企足半粒鐘不停咁慢火炒至金黃為止。對餐廳冇提供農夫飽有些少失望。當然肝醬同芝士醬都欠奉啦。但麵飽籃內都有幾款選擇，如提供番熱更好！

沙律冷盤的選擇都不少。凍肉有三款。雜肉卷同凍火腿比較出色。雜肉卷中間有些少爽口的，感覺上有些少似肴肉。凍火腿味道剛好。唔會太鹹但帶些少鹹香。鴨胸就不過不失。其餘沙律配料都有七八款。

海鮮有凍蝦同藍青口。凍蝦比青口出色的原因是能夠保留蝦的鮮味，蝦肉爽口。醬汁也有五六款，任君選擇。

熱盤方面，大概最少有四個烹鍋加三四款煎焗炸物。筆者當然冇能力試晒全部，但可以慨括的說，雖然用了筆者夢寐以求的高級烹鍋，但煮出來的食物普遍較干。煎焗炸物就相對出色啦。炸薯球、千層卷、咖哩牛、燒魚都不錯。筆者想推介一下呢個香茅豬排，肉質雖然干左少少，但香茅味道想相當好。

終於到主菜啦。德國腸有四五款可選擇，味道唔錯。再配酸椰菜、焗薯同薯仔溶可減輕一下啖啖肉。豬手呢？啊啊，不得了。筆者仍然推介德國餐廳為首選！豬皮真的脆到不得了！唔怕熱氣的暴龍食友門，多吃兩件！管它呢！飲多兩杯麥啤就OK！但有些少心得同大家分享。豬手最好揀下半部份，皮是會較脆的、肉是較多。上半部皮就較硬，肉就帶多一點肥，管它呢！飲多兩啖麥啤未又OK囉！芥末有兩種。筆者較喜歡原味多於蜜糖味。

甜品絕不欺場，都有好多選擇。只是筆者一向不太喜愛甜點，還是留待下次各位自已試下。如果各位係這個時候你還有小宇宙的話，咁就拿拿聲整件班戟或格仔餅啦！筆者只能揀左幾件生果就嗚金收兵！

坦白說，下午自助餐比晚餐較便宜，每人只收HKD175.00另加10%。我們因為是會員再加有禮卷，只需HKD145.00！一個字抵啊！

但夜晚有樂隊現場唱經典英文歌，好此道者，不容錯過！

整個餐廳的環境無論係室內、室外、裝飾、擺設都不錯，給人好舒服、好鬆弛的感覺。希望大家可以在這裡有個難忘的週末或週日！

 後記：食完自助餐後當晚只敢吃了一碗疏菜當晚飯罷了。

Lawrence