筆者很久之前已經想到漢記一試，奈何每次行到禧利街都像著了迷般過門不入。或許那碗粥真的另我如痴如醉。有機會再同大家介紹。
今日約一時到，不用等位。坐下，望著餐牌，尋找著目標。說時遲，目標鎖定。爽腩麵！三十幾，OK啦。
但今日想吃飯，爽腩飯，四十幾蚊，都OK啦。叫姐姐落單。我要一個爽腩飯！"賣晒！"咁我要一個坑腩飯！"賣晒！只係得番牛腩，下次早D，最好十二點前黎！"今次唯有叫牛腩飯頂住先！睇拍真係要蛇出黎當早餐食先得。
湯先上，齋睇同普通清湯牛腩湯冇太大分別。一聞，芫茜的香味直撲入鼻，好香。渴一口，冇預期中咁多味精，幾好。
飯同牛腩到啦。牛腩好香，先渴一口汁，嘩！差D叫了一聲。好鹹！暗叫不妙。
夾起件牛腩，有根位、色澤好、唔係全瘦、肉質有彈性、賣相絕對吸引。絕對唔似死實實的湯渣。唯一擔心係件牛腩會否同D汁一樣咁鹹呢？
一吃之下，憂慮一掃而空！牛腩
，肉味濃、肉質嫩滑、好入味、好好食！一碗都有約五六件，分量OK。
辣椒油，不是普通貨色，好香、幾辣。味道同大角咀油渣麵近似。筆者自知抗辣能力相當低。但又鍾意辣，唯有只加兩滴。免得吃到一頭大汗。
唔緊要，總然之我一定會先試晒爽腩同坑腩，無理由招牌菜都唔試就走去食其它。
總括來說，漢記值得一試！很期待下次的爽腩和坑腩，就明天試試吧！
Lawrence
沒有留言:
張貼留言