美食C.I.B. - 舞心
大家好！相隔十多年再一次寫作，而且係寫我最大既興趣.......「食」。認識我嘅朋友都知道，小弟對飲食有份執著同要求，希望借此機會同大家分享喺飲食中尋找到嘅樂趣。
所有發表嘅食評只屬個人囗味，純屬參考及分享性質。
文章中如有任何文化，字眼上問題！敬請見諒及提點！
今次為大家介紹一間日本拉麵店-位於銅鑼灣登龍街的「舞心」。它在日本已有12年歷史，於東京發迹，是由日本藝人デビット 伊東 (大衛伊東, David Itoh)開設，至今全國有7間分店，主打九州拉麵，湯底主要由豬骨熬製而成。
小
弟一去到已經有好多人排隊，心諗味道有一定既水平！等左十五鐘已經可以入座（比想象中快）。一踏入店舖內，立即傳來又正確又響亮日本語「一三四」，真係好
似當年去東京食拉麵既感覺，真係令人懷念！
一坐低已經急不及待落單，湯底方面主要分為...............
黑、白、赤3款，黑是醬油、白指豬骨原味、赤即辛辣。
小弟點了赤味湯底而太太點了黑味湯底。
喺無聊等待嘅時候，發現抬面有三樽醬料，其中兩樽原來係漬物，而另一樽係辣椒油。其中一樽比較特別嘅漬物係..............
「醬油蒜片漬」，如果喜
歡蒜頭既朋友一定要試下佢。
十多分鐘後，主角終於出場，急不及待先試一口黑味湯底，入口有濃烈豬骨味而帶有一陣陣黑蒜油香味，唔錯！。而赤味湯底一入口就
有強烈辣味（有D似擔擔麵湯底），屬於「重口味」類別。
至於麵底方面，是由日本直送抵港，麵條採用了幼面，質感適中，唔錯！而且可以選擇適合自己既硬度。
最後更喺配料，蛋係由日本直送。蛋黃比例比蛋白多，加上師傅烹調半生熟溏心蛋功夫到家，入口蛋黃濃稠有致，蛋味香濃。而叉燒肉偏瘦而肥脂夠肥，入口甘香可
囗。
總結：「舞心」拉麵店整體上不失為一個有水準嘅麵店，不過赤味就....！如果喜歡濃味嘅朋友可以一試！不過配料比較其他拉麵店較少，大食人士要注意！價錢由$80多元起，值唔值就見仁見智啦。
評分（5分為滿分）
好味度：3
CP度：2.5
返啅度：2
分享完畢，多謝欣賞！
沒有留言:
張貼留言