首先要多謝太極師傅報料。筆者今次介紹的是一個平、靚、正的點心茶餐廳。座落於屯門第44區聯用綜合大樓2樓，交通十分方便。傍邊有爛地車場，時租$3.00，日泊$15.00，抵到爛！亦可搭輕鐵兆禧站落，往海皮方向行5分鐘到湖山路同湖安街交界就見到綜合大樓。當你仍然懷疑有冇去錯地方的時候，冇錯，你已經到啦。放膽行入去，見樓梯上二樓”M層” 轉右就到。
筆者當日去到的時候已是星期天下午二時過後，顧客不少，約七八成。拿拿聲坐下。睇下有乜特別先。點心款式約40款，嘩！雞球大包，好想試。但今日筆者單拖可能頂佢唔住，下次搵埋友人先同佢死過。見太極師傅推介，無理由食得一兩樣，好，就試試佢，一口氣叫了共5樣！預左打包！
終於揀左蝦餃、燒賣、叉燒包、燒腩卷(只因唔係度度有同未食過)、最後追加多一個布拉腸。約10鐘後，到啦。成架蒸氣火車頭隊埋黎！未食，心靈上都已經滿足了一半。熱辣辣，正呀！
食點心最好揀蝦餃，因為功夫多。聽講話以前最好的蝦餃有13摺，皮薄，夾起唔爛。食落個皮唔痴口同冇好粉的感覺，重要依依韌韌。餡料有蝦、肥肉同少少筍、重有些少肉汁。另一樣係叉燒包，蒸起之後個包要有些少爆開，比你見到餡。個皮要夠軟身，唔硬同痴口，餡唔好太過鹹。
終於揀左蝦餃、燒賣、叉燒包、燒腩卷(只因唔係度度有同未食過)、最後追加多一個布拉腸。約10鐘後，到啦。成架蒸氣火車頭隊埋黎！未食，心靈上都已經滿足了一半。熱辣辣，正呀！
食點心最好揀蝦餃，因為功夫多。聽講話以前最好的蝦餃有13摺，皮薄，夾起唔爛。食落個皮唔痴口同冇好粉的感覺，重要依依韌韌。餡料有蝦、肥肉同少少筍、重有些少肉汁。另一樣係叉燒包，蒸起之後個包要有些少爆開，比你見到餡。個皮要夠軟身，唔硬同痴口，餡唔好太過鹹。
蝦餃，賣相不差！餃皮有8-9摺，色澤晶瑩。夾粒試下，皮冇爛，食落餃皮冇痴口，依韌度好。蝦新鮮、有肥肉同肉汁、唯一失望係依然冇筍。但已經比大多數酒樓好，一個字，得！
叉燒包做到晒上面所講，水準之作。包有些少爆開、見到餡、皮軟身。
燒賣呢？有驚喜！皮夠薄、夠黃。肉好鮮色、成個燒賣好飽滿。再加些少蟹皇係面，好靚！夾粒試下，D皮冇痴到爛晒，一口咬下，肉味好鮮、肉質唔係死實實。簡直係眼在看著肉汁在流，咀裡嚐著鮮嫩餡料。哈哈，雙重享受！
燒腩卷都好特別。個包裡面原來有一件好似扣肉的豬腩再加一件芋頭，件芋頭應該係用於吸下燒腩D油等個包冇咁肥同賣相靚D。未試過，只貪過下口隱！
布拉腸係試晒上面樣追加的。好想試下因為筆者細細個就鐘意食、二黎睇下佢地D水準。好啦，腸粉到啦。豉油係分開上的。筆者讚好！人越大、口味都轉。可能不知不覺間比一位友人感染啦！甜醬同麻醬都一律欠奉。冇大不了，我至不在此。腸粉有光澤、軟滑同米香。個人覺得加多少少依韌就更好！但現在已經有相當水準。
總括而言，以上各樣都好好食，水準之作。價錢方面，除了粥、腸粉同蒸飯係$15之外，期餘所有都係$13！你冇睇錯，係$13！
姐姐好好禮貌。餐具雖冇特別但都好乾淨。雖然未試期它，係屯門區暫時飲茶黎講佢會係我首選。其實都未想到邊到好過佢地。
後記：
姐姐好鬼懷疑筆者係咪可以食咁多，問左幾次係咪得一個人。我當然話食唔晒要打包啦！埋單時同老細吹左2句，知道佢姓龔，但睇得出佢唔太友善。可能佢以為我係同行試佢地D野。開業4個月，朝04:00至下午16:00，現在冇夜市但話研究中。下次會試其它同西茶！
後記：
姐姐好鬼懷疑筆者係咪可以食咁多，問左幾次係咪得一個人。我當然話食唔晒要打包啦！埋單時同老細吹左2句，知道佢姓龔，但睇得出佢唔太友善。可能佢以為我係同行試佢地D野。開業4個月，朝04:00至下午16:00，現在冇夜市但話研究中。下次會試其它同西茶！
1. 價錢已調整了，留意。
2. 蝦米腸也好吃。
3. 芝士多也是不錯的選擇
Lawrence
沒有留言:
張貼留言