荃灣路德圍太記餐廳 – Part 1

店子座落於荃灣路德圍，非常容易找。但不要被擺到一街都係的大排擋擾亂了你。是晚筆者一心想去另一家店子，當行到路德圍附近，發現一個陌生的招牌掛在頭上，”太記餐廳，極品清湯牛腩、自家手打拉麵”， 哈哈，腦筋就這樣被吸引著，腳就自動走了過去。

店子比一般的茶記較為寬敞、感覺乾淨、服務員笑面迎人，好有禮貌。一入到去，就被眼前一對對聯似的吸引住 ”星級巴基施坦咖哩牛腩、特級秘制三水豉油雞”。 當晚好想吃飯，但維持原則，首先試招牌野！

餐牌和其它茶記冇乜分別。正在搜索清湯牛腩中，大姐已經走過來推介一番。從招牌上你會看見”極品清湯牛腩、自家手打拉麵”。如果你還點什麼茶餐ABC，這是你的選擇。筆者繼續堅持原則，”去邊到，食乜野，先試撚手野！”最後選了清湯牛腩拉麵套餐，有菜同飲品。菜先到，芥蘭係筆者至愛，鐘情於其爽脆，最怕煮到過晒火，淋pat pat！接著，飲品也到，但還未見主角。是晚人不見太多，為何咁耐？

等到有點不耐煩，碗麵終於到啦！個碗比預期中大，瓦的，好實在。麵好夠熱，你會見到蒸氣不斷湧上黎，好香。湯，清淡得來不失肉味，真是冇乜味精，但最精采的係碗中間那些細細粒、綠綠地的唐芹。喝一口湯，嘩！不得了！層次好分明，一層一層，先有湯的甜，後有芹的香，過癮！

牛腩，同一般食開的有顯著唔同，佢地係一片片，唔係一舊舊。齋望的話，心中暗叫不妙，睇落好似死實實，柴柴地！一食落口，嘩，肉質軟滑、肉味濃厚、又唔痴牙。好！蘿蔔，望落去，唔多吸引。色水唔夠，看似唔多夠味！嘩哈哈！一吃不得了！蘿蔔一丁點渣都沒有呀！本身那種清甜，根本冇需要同湯一起煮，同食開個D很大分別。好！拉麵，首先張拉麵的概念從日本拉麵抽翻出來。呢到的拉麵，比較幼，冇咁Q！但佢比較滑一點點，好特別！分量更係King Size Tim！

需然此店的牛腩未算筆者吃過最好的，但水準還是相當不俗！但湯底呢？我就覺得漸時係最好的！埋單才$40幾蚊，絕對物超所值！

臨走時，和大姐吹左幾句。”佢話呢度D員工每日都唔可以飲多過一碗牛腩湯，咁你就知佢地幾堅啦！佢重叫我下次試下杯奶茶，好正架！”好期待下一次再臨，必定會試星級咖哩和豉油雞！

後記:
後記己結業，真的可惜。

Lawrence