元朗教育路焰

教育路，元朗揾嘢食的好地方。今次我們選了”焰”，多謝老表介紹及因為那句食評”比豚王更好！” 有冇咁勁？一於試試。

上星期天傍晚相約老表一行三人前往，未到6時已到教育路。遠望過去，嘩！真的有人已圍著門外等候。到了，原來那些人全部等隔離食壽司。

去到門外只等了約5分鐘就可安排入座。焰、提供了5款拉麵包括”焰” 、 ”鮮焰” 、 “赤焰” 、 ”黑白焰” 、”焰火山” 。食慣拉麵的你大概都估到係什麼。價錢由$58-$78，便宜！

筆者習慣第一次都會揀原味，所以我選了”焰”。他們點了”鮮焰”及”赤焰”。我為食，加了一個鐵板叉燒飯。夾佢地幫我食! 他們也加了味付玉子。

不多久，有嘢食！先來就是”必食-日本博多產味付玉子” ， 滷水蛋是也。色澤略淡，但生熟程度是筆者喜愛的那款。人老了吃不下太生。味道是偏喊了些，但整體不錯。只是$10, ok啦！

麵也來了。個碗比一般的細，就是喜歡它冇咁浮跨。看看湯底，頗為厚身。喝一口，濃郁的朱骨湯味。拉麵呢？是幼細的，麵質頗Q。正合心意。叉燒呢？切得圓圓薄薄，肥瘦分明、一層一層、一圈一圈。賣相討好。來一口吧，不覺太肥利。好！配菜還有冬筍，青蔥及紫菜。還可以自己夾蒜容，好玩！只賣$58.00，有點超值。

下回可以試試其它，是否好過中環那間，就真的見人見智。但如果要在炎夏30幾度等成粒半鐘，再加上要比多二三十蚊，我會揀呢度。

那個什麼鐵板飯，忘記它吧。始終都要緊記為食格言 – “去邊到，食乜嘢！”亂咁黎只會自討沒趣。筆者有時也被小便宜攪糊塗了。飯是免費追加的，咁筍？可惜此店供應的不是吃慣的日本珍珠米，叉燒呢？不好吃，太乾兼冇味。唯一可取的是夠熱，啫啫聲出曬大煙咁送過黎。下次大家去要識揀嘢食啦！

Lawrence